रेडक्रस उदयपुरको संयोजकमा शम्भु पौड्याल उपसंयोजकमा (सिएम) गुरागाइ

उदयपुर । नेपाल रेडक्रस सोसाइटी उदयपुरको संयोजकमा चौदण्डीगढी नगरपालिका वडा नम्बर ७ का शम्भु पौडेल चयन हुनुभएको छ । यस्तै उपसंयोजकमा उदयपुरगढि ५ का चन्द्रमणि गुरागाई (सिएम) चयन हुनुभएको छ ।

रेडक्रस सोसाइटी केन्द्रीय कार्यालयले पौड्यालको संयोजनमा उदयपुरमा १३ सदस्यीय तदर्थ समिति गठन गरेको हो । केन्द्रीय महामन्त्री भुपतिलाल श्रेष्ठद्वारा हस्ताक्षर गरिएको पत्र अनुसार ६ महिनाको लागि तदर्थ समिति गठन गरिएको हो ।

उक्त समितिले जिल्ला शाखाले गर्नु पर्ने सम्पूर्ण कार्यहरू बिधान अनुसार गर्ने र ६ महिनाभित्र उपशाखा गठन गरी जिल्ला कार्यसमितिको निर्वाचन गर्ने व्यवस्था मिलाउने जिम्मेवारी दिएको छ । यस्तै सचिवमा त्रियुगा नगरपालिका वडा नम्बर ४ बगाहाका सन्तोष कोइराला  रहनुभएको छ । त्यसैगरी, कोषाध्यक्षमा उदयपुरगढी गाउँपालिका वडा नम्बर २ का देव गिरी चयन हुनुभएको छ ।

अन्य सदस्यहरूमा क्रमशः उदयपुरगढी गाउँपालिका वडा नम्बर ४ की सम्झना राई, कटारी नगरपालिका वडा नम्बर ३ का पुष्कर खड्का, त्रियुगा नगरपालिका वडा नं. ७ का राजेश कार्की, चौदण्डीगढी नगरपालिका वडा नं. ९ का चन्द्र गिरी, त्रियुगा नगरपालिका वडा नं. ४ की कल्पना ढकाल, लिम्चुङबुङ गाउँपालिका वडा नं. १ का राजकुमार राई, कटारी नगरपालिका वडा नं. १४ का भीम जोशी, त्रियुगा नगरपालिका वडा नं. १३ का दुर्गानन्द चौधरी, र बेलका नगरपालिका वडा नं. २ का धुर्व कोइराला रहनुभएको छ ।