उदयपुरमा नेपाली कांग्रेसको प्रशिक्षण कार्यक्रम सम्पन्न

सन्तोषकला तामाङ

गाईघाट ।  नेपाली कांग्रेसको कोशी प्रदेश प्रशिक्षण विभागको आयोजनामा उदयपुर सदरमुकाम गाईघाटमा अगुवा नेताहरुलाई प्रशिक्षण कार्यक्रम सम्पन्न भएको छ । नेपाली कांग्रेस उदयपुरको प्रशिक्षण विभागको समन्वय तथा नेपाली कांग्रेस उदयपुरको व्यवस्थापनमा मोतिगडा स्थित होटल इपाइर इनमा प्रशिक्षण सम्पन्न भएको हो । 

नेपाली कांग्रेस राष्ट्रिय सभाको संसदिय दलको नेता, कांग्रेस पूर्व महामन्त्री तथा केन्द्रिय सदस्य कृष्ण प्रसाद सिटौलाको प्रमुख आतिथ्यतामा आयोजित प्रशिक्षण कार्यक्रममा नेपाली कांग्रेसको महासमिति सदस्य, महाधिवेशन प्रतिनिधि, प्रदेश अधिवेशन प्रतिनिधि, नेपाली कांग्रेस उदयपुरका पदाधिकारी, क्षेत्रीय तथा प्रदेश कार्य समितिका सभापती तथा पदाधिकारी, पालिका सभापती तथा पदाधिकारको प्रशिक्षण कार्यक्रममा सहभागीता जनाएका थिए । 

कार्यक्रमको उद्घाटन शत्रमा प्रमुख अतिथि कृष्ण सिटौलाी नेपाली कांग्रेसका केन्द्रिय सदस्य लक्ष्मी परियार नेपाली कांग्रेस उदयपुरका सभापती हिमाल कार्कीले शुभकामना मनतव्य राख्नु भएको थियो । नेपाली कांग्रेस उदयपुरका उपसभापती वल बहादुर तामाङले स्वागत गर्नु भएको कार्यक्रममा प्रशिक्षण नेपाली कांग्रेस केन्द्रिय सदस्य तथा प्रचार विभाग प्रमुख मिन बहादुर विश्वकर्मा, नेपाली कांग्रेस केन्द्रिय सदस्य तथा महिला विभाग प्रमुख पुष्पा भुषाल नेपाली कांग्रेस प्रदेश प्रशिक्षण विभागका सदस्य सचिव वीरेन्द्र साहले कार्यक्रममा प्रशिक्षण गर्नु भएको थियो । 

नेपाली कांग्रेस कोशी प्रदेशका उपसभापती तथा राष्ट्रिय सभाका पूर्व अध्यक्ष रमेशजंग रायमाझीको अध्यक्षतामा आयोजित कार्यक्रममा संविधान सभा सदस्य प्रमिला राई, शान्तिदेवी चौधरी प्रदेश सभा सदस्य लिला राई, पूर्व प्रदेश सभा सदस्य संजा दनुवार लगायतको उपस्तिथी रहेको थियो ।