उदयपुरमा प्याराग्लाइडिङ गर्ने क्रममा घाइते भएका जापनिज नागरिकको ज्यान गयो

उदयपुर । जिल्लाको बेलका नगरपालिका वडा न. ८ मा  प्याराग्लाइडिङ गर्ने क्रममा लडेर घाइते भएका जापनिज नागरिकको उपचारको क्रममा ज्यान गएको छ ।

बुधबार दिउँसो भएको उक्त घटनामा परी जापानिज नागरिक ७२ बर्षिय काजी ताकासी घाइते हुनुभएको थियो । आफैले प्याराग्लाइडिङ गरि उडेका  ताकासी सोही स्थानमा रहेको फुटबल मैदानमा ल्यान्ड गर्ने क्रममा भुइँमा बजारीएर गम्भीर रूपमा घाइते भएका थिए ।

मृतक ताकासी अन्य ४ जना साथीहरु संगै जापानबाट नेपाल घुम्न आएको खुल्न आएको  छ । उनको धरान स्थित बिपि कोइराला मेमोरियल अस्पतालमा उपचारको लागी लगिएकोमा उपचारकै क्रममा राति ज्यान गएको जिल्ला प्रहरी कार्यालय उदयपुरले जनाएको छ ।