अन्तर विद्यालय वडा अध्यक्ष कपको उपाधी प्याराडाइज स्कुल गाइघाटलाइ

उदयपुर , त्रियुगा नगरपालिका वडा न.११ को सहयोगमा शुक्रबारदेखी सुरु भएको प्रथम वडा अध्यक्ष कप अन्तर विद्यालय स्तरीय फुटवल प्रतियोगिताको उपाधी प्याराडाइज स्कुल गाइघाटले हात पारेको छ ।

बुधबार गाइघाटको थरुहट रंगशालामा भएको फाइनल खेलमा बालमान्दिर मा.वि त्रियुगा नगरपालिका १० बोक्सेलाइ लाइ पछी पार्दै उपाधी हात पारेको हो । जित संगै प्याराडाइजले नगद रु ५० हजार हात पारेको छ भने उपबिजेता बालमन्दिर मा.वि बोक्सेले रु २५ हजारमा चित्त बुझाउनु परेको छ ।

प्रतियोगितामा त्रियुगा गरपालिका भरिका ११ वटा बिद्यालयको सहभागिता रहेको थियो जसमा श्री जनता मा.वि श्रीपुर, श्री जनता मा.वि. खैजनपुर, क्यानभास एकेडेमी गाइघाट, श्री जनता मा.वि. दमौटी, अन्नपुर्ण सेकेन्डरी स्कुल त्रियुगा नगरपालिका वडा न. ५ देउरी रहेका थिए ।

यसैगरी सगरमाथा मोडल स्कुल पुराना गाइघाट, उदयसी स्कुल जलजले, त्रियुगा नमुना मा.वि. गाइघाट, रौतारानी स्कुल खैजनपुर , प्याराडाइज स्कुल संगमटोल गाइघाट र बालमन्दिर स्कुल बोक्से रहेको आयोजक गाइघाट फुटबल क्लवले जनाएको छ ।