गाइघाटमा हायसको ठक्करबाट एक पैदल यात्रीको ज्यान गयो

 
उदयपुर । गाईघाट दिक्तेल सडक खण्ड अन्र्तगत त्रियुगा नगरपालिका वडा न. १० बोक्सेमा हायसको ठक्करबाट एक पैदल यात्रीको ज्यान गएको छ । ज्यान जानेमा त्रियुगा नगरपालिका वडा नम्बर ११ चप्पन बस्ने बर्ष ५५ को परणशेर रहेको प्रहरीले जनाएको छ ।
शनिबार बिहान करमगाछीबाट गाईघाट हुदै काठमाडौंतर्फ जाने क्रममा बा. प्र. ०.१००६ ख ५८७१ नम्बरको हायसले ठक्कर दिँदा राइ गम्भीर घाइते भएका थिए । गम्भीर घाइते भएको उनलाई तत्काल जिल्ला अस्पताल उदयपुर लगिएको थियोे ।
अस्पताल लगिएको उनको उपचारको क्रममा मृत्यु भएको प्रहरीले जनाएको छ । अहिले ठक्कर दिने हायस गाडी र चालक थप अनुसन्धानको लागि जिल्ला प्रहरी कार्यालय उदयपुरमा राखिएको छ ।