नेकपा एसको चुनावी अभियान तिब्र सम्पर्क कार्यालय स्थापना

उदयपुर । नेकपा एकिकृत समाजवादी उदयपुरले चुनावी अभियानलाइ तिव्रता दिएको छ । जिल्लाको त्रियुगा नगरपालिका वडा नम्बर १२ मा हुने उपनिर्वाचनको लागि उम्मेदवार टुङ्गो लगाए संगै निर्वाचनको गतिबिधिलाइ तिव्रता दिइएको पाटी सचिव पशुपती चौधरीले बताउनुभयो ।

शक्रबार सम्पर्क कार्यालयको स्थापना गरेसंगै चुनावी अभियानलाइ समेत चिब्र रुपमा अगाडी बढाइएको उहाको भनाइ छ । सम्पर्क कार्यालय त्रियुगा नगरपालिका वडा न. १२ जनप्रेमी टोल रौदिदास मन्दिर नजिक स्थापना गरिएको छ ।

गत २०७९ वैशाखमा सम्पन्न स्थानीय तह निर्वाचनबाट वडाको वडाध्यक्षमा निर्वाचित वडाध्यक्ष चुडाराज काफ्लेको मोटरसाइकल दुर्घटनामा मृत्यु भएपछि उत्त वडामा उपनिर्वाचन हुन लागेको हो ।

निर्वाचन आयोगको कार्यतालिकाअनुसार मंसिर २ गते उम्मेदवारी मनोनयन दर्ता हुनेछ । उपनिर्वाचन नजिकिएसँगै सो वडामा चुनावी सरगर्मी बढेको छ ।