उदयपुर र खोटाङ जोड्ने फोक्सिन्टारको पक्कीपुल बाढीले बगायो

उदयपुर । सगरमाथा राजमार्ग अन्तर्गत उदयपुर र खोटाङ जोड्ने फोक्सिन्टारको पक्कीपुल शनिबार बाढीले बगाएको छ । अबिरल वर्षासँगै सुनकोशीमा आएको बाढीले सोे पुल बगाएको सहायक प्रमुख जिल्ला अधिकारी लक्ष्मीप्रसाद रेग्मीले बताए ।

रेग्मीका अनुसार पुल नाघ्नेगरी उर्लिएको बाढीले पिलर भाँचेर पुल बगाएको थियो । कोशीमा पानीको सतह निकै बढेको कारण दिउसो ३.४० मा पुल बगाएको स्थानिय केदार राईले बताए ।करिब १२ बर्ष अघि देखि बन्नु सुरु भएको आर्क डिजाइको उक्त पुल २ बर्ष अघि सन्चालनमा आएको थियोे ।

उदयपुरको रौतामाई गाउपालिका ५ फोक्सिङटार र खोटाङको लिच्किराम्चे दुबै गाउपालिकाको सिमामा उक्त पूल निमार्ण भएको थियोे । पुल भत्किएपछि खोटाङसँगको सडक सम्पर्क विच्छेद भएको छ ।