नेकपा (एस) निकट अनेम संघ समाजवादीको आयोजनामा तिजको रौनक

उदयपुर । नेकपा एकिकृत समाजबादी निकट महिलाहरुको संघ अखिल नेपाल महिला संघ समाजवादी जिल्ला कमिटि उदयपुरको आयोजनामा शनिबार उदयपुरमा शुभकामना आदान प्रदान तथा दरखाने कार्यक्रमको आयोजना गरिएको छ ।

पाटी कार्यालयको सभाहल गाइघाटमा आयोजना गरिएको कार्यक्रममा वडा देखी जिल्ला स्तरका महिला नेताहरुको सहभागिता रहेको थियो यतिखेर तिजको रौनक सहर–बजार मात्र होइन गाउँ–गाउँमा पनि उत्तिकै छ ।

पाटीको पोलिट ब्युरो सदस्य दर्गा परियारको प्रमुख आतिथ्यतामा भएको कार्यक्रममा केन्द्रिय सदस्य राममणि पोखरेल ,जिसस प्रमुख गौर बहादुर वि.क. सावित्रा थापा, राधा खड्का , पशुपती चौधरी, पाटी अध्यक्ष बोनोद खड्का लगाएतको उपस्थिती रहेको थियो । कार्यक्रममा बिन्दा साही ठकुरीले स्वागत मन्तब्य राख्नुभएको थियो भने संचालन बिक्रमी मह्तो चौधरीले गर्नुभएको थियो ।  तिजको दिन निराहार (पानी नखाइ) व्रत बस्ने भएकाले विषेश गरि महिलाहरूले अघिल्लो दिन अर्थात दुतियाका दिन राति अवेर सम्म बसेर दर खाने चलन छ ।

हरितालिका (तीज) पर्व भाद्र शुक्ल तृतीयाका दिनमा देवाधिदेव महादेवको पूजा आराधना गरी मनाइँदैछ । व्रत बसी शिव पार्वतीको पूजा, उपासना गरेमा सुख, शान्ति र कल्याणको प्राप्ति हुने धार्मिक विश्वास छ। दर खाएपछि औपचारिक रूपमा सुरु हुने तीज पर्व ऋषि पञ्चमीसम्म मनाइन्छ ।

तृतीयाका दिन हरितालिका व्रत, चौथीका दिन, गणेश भगवानको पूजा र पञ्चमीका दिन स्नान गरी अरुन्धतीसहित सप्तऋषिको पूजा गरी तीज समापन हुन्छ ।