धापखर्कमा प्रथम खुल्ला पुरुष भलिबल प्रतियोगिता सुरु
- माघ १३, २०८०
- पूर्बेली दर्पण
त्रियुगा । उदयपुरको त्रियुगा नगरपालिका वडा नम्वर १४ साउनेस्थित धापखर्कमा प्रथम खुल्ला पुरुष भलिबल प्रतियोगिता सुरु भएको छ । प्रतियोगिता शनिबारदेखि सुरु भएको हो ।
धापखर्क युवा क्लबको आयोजना, स्थानीय कालिकादेबी र जनकल्यान सामुदायिक बन उपभोक्ता समितिको प्रायोजनमा प्रतियोगिता सुरु भएको हो । प्रतियोगितामा स्थानीय र छिमेकी जिल्लाहरु खोटाङ लगायत अन्य जिल्लाका चर्चित आठ वटा टिमहरु सहभागि रहेको आयोजकले जनाएका छन् ।
उक्त प्रतियोगिताको उद्घाटन अखिल नेपाल फुटबल संघ (एनफा)का महासचिव किरन राईले गरेका थिए । उद्घाटन कार्यक्रममा वडाअध्यक्ष हेमराज मगर, स्थानीय बन महासंघ अध्यक्ष बेदबहादुर राई, पत्रकार गजेन्द्र राई लगायत अन्य अथितिहरु उपस्थिति रहेका थिए ।
_1655735468.gif)
