त्रियुगा साना सहरी खानेपानीद्धारा धारा मर्मतसम्भार काममा तिब्रता

त्रियुगा । उदयपुरको त्रियुगा साना सहरी खानेपानी तथा सरसफाइ उपभोक्ता समिति संस्थाले धारा मर्मतसम्भार लगायतका अन्य काममा तिब्रता दिएको छ । नगरपालिकाको वडा नम्बर १० स्थित बोक्सेमा रहेको सो संस्थाले धारा मर्मतसम्भार लगायत अन्य काममा तिब्रता दिएको हो ।

मर्मतसम्भारको क्रममा मिटर प्याकिङ, चुहावट नियन्त्रण, धारा मर्मत लगायत ठाउँ–ठाउँमा लथालिङ्ग अवस्थामा रहेकाे पानीको पाएप व्यवस्थापन गर्दै आएको संस्थाका सचिव सन्तोष खड्काले बताए । सचिव खड्काका अनुसार पानीको सहि सदुपयोग होस् भन्ने उद्देश्यले उक्त अभियान सञ्चालन गरिएको हो ।

अभियानले उपभोक्ताको आवश्यकता अनुसार पानी वितरणमा सहज हुने छ । अभियानको नेतृत्व संस्थाको सचिव खड्का र कर्मचारी उमा थापा मगरले गरेका थिए । संस्थाबाट वितरण हुने पानी त्रियुगा नगरपालिकाको वडा नम्बर ९, १०, ११ र १२ का स्थानीयवासीहरुले उपभोग गर्दै आएका छन् । हाल उपभोक्ता घरधुरी संख्या २ हजार ७ सय २७ रहेको छ ।