उदयपुरमा झरी च्यालेन्ज फुटबल कप

उदयपुरको त्रियुगा नगरपालिका १० बोक्सेमा ‘प्रथम सेभेन ए साईड झरी च्यालेन्ज फुटबल कप २०८०’ सुरु भएको छ । सो कप नयाँ बस्ती फुटबल क्लबको आयोजनामा सुरु भएको हो ।

शुक्रबारदेखि शुरु भएको उक्त कपको उद्घाटन वडाअध्यक्ष किरण पाण्डेले गरेका थिए । ‘स्वास्थ्यको लागि खेलकुद, राष्ट्रको लागि खेलकुद’ भन्ने मुल नाराका साथ सुरु भएको फुटबल आगामी साउन १४ गतेसम्म संचालन हुने क्लबका अध्यक्ष हेम राईले बताए । अध्यक्ष राईका अनुसार १६ वटा टिमले सहभागिता जनाएको छ ।

खेलको प्रथम स्थान हासिल गर्ने टिमलाई नगद २५ हजार रूपैयाँ सहित सिल्ड र प्रमाणपत्र रहेको छ भने दोस्रो स्थान हालिल गर्ने टिमलाई पुरस्कार नगद १५ हजार सहित सिल्ड र प्रमाणपत्र रहेको छ । खेल त्रियुगा १० बोक्सेस्थित नयाँ बस्ती खेल मैदानमा सुरु भएको हो ।