उदयपुरका १ लाख १४ हजार लाई टाइफाइड विरुद्धको खोप खोप लगाईने

उदयपुर । शुक्रबारबाट देशभर टाइफाइड विरुद्धको खोप अभियान सुरु भएको छ । देशभर एकै पटक सुरु भएको यो अभियानमा १५ महिना देखी १५ वर्षसम्मका बालवालिकाहरुलाई टाइफाइड विरुद्धको खोप लगाउँन लागिएको स्वास्थ्य कार्यालय उदयपुरका प्रमुख वृजकुमार दासले बताउनुभयो ।

यस अभियानमा उदयपुरका १ लाख १४ हजार बालबालिकालाई टाइफाइड विरुद्धको खोप लगाईने प्रमुख दासले बताउनुभयो । उदयपुरमा पहिलो र दोस्रो चरणगरी दुई चरणमा खोप सञ्चालन गरिने भएको छ ।

पहिलो चरणमा चैत्र २५ गतेदेदि ३० गतेसम्म त्रियुगा, चौदण्डीगढी, बेलका नगरपालिका त्यसैगरी रौतामाई, लिम्चुङ गाउँपालिकामा खोप अभियान संञ्चालन भएको छ भने दोस्रो चरणको खोप भने बैशाख ४ बाट कटारी, ताप्ली र उदयपुरगढीमा संञ्चालन हुने प्रमुख दासले बताउनुभयो ।

अधिकांश खोप केन्द्र विद्यालयमा बनाइएको छ । खोपका लागि उदयपुर जिल्लाभर करिब ८ सय २७ जना स्वास्थ्यकर्मी र २३ सय ४ जना स्वययंसेवकहरु फिल्डमा खटाईने स्वास्थ्य कार्यालय उदयपुरका सूचना अधिकारी चिरञ्जिवी निरौलाले बताउनुभयो ।