उदयपुरमा ब्राउन सुगर र भरुवा बन्दुक सहित छुट्टा छुट्टै स्थानबाट ३ जना पक्राउ

उदयपुर । जिल्ला प्रहरी कार्यालय उदयपुरले ब्राउन सुगर सहित गाइघाटका एक युवालाइ पक्राउ गरेको छ । पक्राउ पर्नेमा जिल्लाको त्रियुगा नगरपालिका वडा न. ११ का प्रशान्त कार्की रहेको जिल्ला प्रहरी कार्यालय उदयपुरले जनाएको छ ।

प्रहरीका अनुसार कार्कीलाइ संका लागी चेकजाँच गर्ने क्रममा गाइघाटको मेन चौकमा चेक जाँच गर्दा उनको साथबाट ५१० मिलि ग्राम ब्राउन सुगर ,नगद १४,०३५ र ब्राउन सुगर सेवन गर्न प्रयोग हुने सिक्का, ब्राउन सुगर प्रयोग गर्दा डढेका नोटहरु समेत फेला परेको प्रहरीले जनाएको छ ।

हाल उनलाइ नियन्त्रणमा लिइ थप अनुसन्धान भई जनाइएको छ । उनलाइ फागुन २७ गते दिउँसो ४।३० बजेको समयमा गाइघाटको मेन चौकबाट पक्राउ गरीएको जनाइएको छ ।

यसैगरी २ थान भरुवा बन्दुक सहित बेलका नगरपालिका बाट दुइ जनालाइ प्रहरीले पक्राउ गरेको छ । पक्राउ पर्नेमा बेलका नगरपालिका वडा न. ९ कमलावारी वस्ने वर्ष ३७ को सनविर राई र सोही ठाउँका ६५ बर्षिय कटारी साईला भन्ने लक्ष्मण बि.क. रहेका छन ।

उनीहरुलाइ इलाका प्रहरी कार्यालय रामपुर ठोक्सिलाले फागुन २७ मा पक्राउ गरेको हो । प्रहरीका अनुसार सिसौली सानो खैरेनी टप्पुमा भरुवा बन्दुक राखेको छ भन्ने सुचनाको आधारमा खानतलासी गर्दा दुबै जनालाइ बारीमा लुकाई राखेको बन्दुक सहित पक्राउ गरीएको जनाइएको छ ।