शताब्दी पुरुष संस्कृतविद जोशीद्धरा बरिष्ट पत्रकार चेम्जोङको ‘उदयपुरको ईतिहास’ पुस्तकको विमोचन

उदयपुर , वरिष्ठ पत्रकार कौशल चेम्जोङद्वारा लिखित ‘उदयपुरको ईतिहास’ पुस्तकको बिहिबार विमोचन गरीएको छ । समग्र उदयपुर जिल्लाको गहन ईतिहास बोकेको पुस्तकको नेपालका सताब्दि पुरुष तथा ईतिहासविद् सत्यमोहन जोशीले विमोचन बिमोचन गर्नुभएको हो ।

पुस्तकका लागि पत्रकार एवम ईतिहासकार चेम्जोङले २२ वर्ष लामो समय अध्यायनमा लगाउनु भएको छ । त्यस क्रममा उहाँले उदयपुरको कुनाकुना, कन्दराहरु चहार्नु भएको छ । उहाँले विमोचनको विशेष समारोहमा बोल्दै आफु बुबाले दिनु भएको पुरानो एतिहासिक सिक्काबाट प्रेरित भई यतातर्फ लागेको बताउनुभयो ।

उदयपुर अनुसन्धान केन्द्रले प्रकाशनमा ल्याएको पुस्तकमा उदयपुरे इतिहासको खोजमुलक अध्ययनलाई सचित्र उतारिएको चेम्जोङले दावी गर्नुभएको छ । उहाँका अनुसार पुस्तकमा उदयपुरको ऐतिहासिककालदेखिको जनजीवन, सामाजिक रहनसहन, बसोबास, समुदाय र जातजाति तथा समाज विकासक्रमसँगै जिल्लाको पर्यटन, राजनीति, कृषिलगायत बिभिन्न विषयमाथि खोज अनुसन्धान बिबरण पढ्न पाइने छ ।

पुस्तकले त्रियुगा सभ्याताको अहिलेसम्मकै ठोस, गहन जानाकारी र तथ्य पस्किएको छ । ईतिहास अध्यायनका लागि यो पुस्तक महत्वपूर्ण र उपयुक्त रहेको उहाँले बताउनु भयो । नेपाल सरकारबाट बरिष्ट पत्रकारको उपाधी पाइसक्नुभएका चेम्जोङ प्रेस स्वतन्त्रता सेनानी, प्रेस काउन्सिल गोपादास श्रेष्ठ पत्रकारिता पुरस्कार लगायतबाट सम्मानित हुनुहुन्छ । उहाँका यसअघि तीन पुस्तक प्रकाशित भइसकेको छ ।

त्रिभुवन विश्वविद्यालयका ईतिहास विभाग प्रमुख प्राध्यापक डक्टर राजकुमार पोखरेलले नेपालको ईतिहासमा एउटा अर्को अध्याय थपिएको बताउनुभयो । यस्तै सिंगो पुस्तकको समिक्षा गर्दै प्राध्यापक डाक्टर बिजय मिश्रले विविध महत्वपूर्ण दस्तावेज तथा एतिहासिक सामग्रिहरुका साथ ईतिहास प्रस्तुत गरिएको बताउनुभयो । उहाँका अनुसार पुस्तकमा नेपालको ईतिहासमा मानव सभ्यता, एतिहासिक लडाई, विविध राज्यहरु उदयपुरसंग जोडिएको प्रमाण पेश गरिएको छ ।