म्याराडोनाको श्रदाञ्जली कार्यक्रम सहित गाइघाट र कटारी बिच मैत्रिपूर्ण खेल

उदयपुर , जिल्ला फुटवल संघ उदयपुरको आयोजनामा शनीबार उदयपुरमा विश्वकै प्रभावशाली खेलाडी तथा विश्व फुटवलका हस्ती डिएगो म्याराडोनाको श्रदाञ्जली स्वरुप त्रियुगा नगरपालिका गाइघाट र कटारी बिच मैत्रिपूर्ण खेल सम्पन्न भएको छ ।

थारुहट रंगशाला गाइघाटमा आयोजना गरीएको मैत्रिपूर्ण खेल संगै श्रदाञ्जली कार्यक्रमको आयोजना गरीएको थियो । कार्यक्रममा एन्फाका प्रबत्ता किरन राइ सहितका फुटलबल प्रेमीको उपस्थिती रहेको थियो । खेलमा गाईघाटको तर्फबाट ५ गोल भएको थियो भने, कटारीको तर्फबाट ३ गोल भएको थियो ।

खेल ३५ बर्ष माथीका पूर्व खेलाडीहरु बिच भएको थियो । खेलको लागी जावलाखेल डिस्ट्रिलरीको सहयोग तथा त्रियुगा नगरपालिकाको बिशेष सहयोग रहेको आयोजक जिल्ला फुटबल संघ उदयपुरले जनाएको छ ।