गाइघाटमा अटो र मोटरसाइकल एक आपसमा ठक्कर खांदा ९ जना घाइते

उदयपुर
गाईघाटबाट यात्रु बोकेर राजाबासतर्फ जादै गरेको प्रदेश नं. ०२ ०१००३७ नम्बरको अटो र राजाबासबाट गाइघाट आउदै गरेको स ७ प ५०६७ नम्बरको मोटरसाइकल गाइघाट गैरुनमा रहेको कालिखोलामा एक आपसमा ठक्कर खादा ९ जना घाइते भएका छन ।

अत्याधिक गतिका कारण दुर्घटना भएको स्थानियले बताएका छन । घाइतेहुनेहरुमा त्रिनपा ८ बाघचौरीका ३५ वर्षिय लक्ष्मण राउत, सोही वडाको साहीखोलाका ४० वर्षिया सिता बस्नेत, ४० वर्षकै ज्ञानु कार्की, सोही वडाका ६५ वर्षिय हरि बुढाथोकी, ६० वर्षिया सेतीमाया विक, उनकी नातीनी ६ वर्षिय वालिका युना विक र त्रिनपा १० का ६० वर्षिया मसाली वि.क. रहेका छन ।

त्यस्तै मोटरसाईकल चालक त्रिनपा ८ राजाबासका २७ वर्षिय राजेश चौधरी र पछाडि सवार उनकी श्रीमती २३ वर्षिया निसा चौधरी रहेको जिल्ला प्रहरी कार्यालय उदयपुरले जनाएकोे छ । घाइतेहरुलाई हाल उपचारका लागि विराटनगर लगिएको प्रहरीले जनाएको छ । टेम्पोचालक सुरेन्द्र चौधरी भने फरार रहेको जनाइएको छ ।