कविता / मेरो प्यारो रक्सी

कविता
मेरो प्यारो रक्सी

चन्द्रा बास्तोला                  
मैले बोक्ने झोलामा सधैँ तिम्रो याद
बोकेर हिँडेको हुन्छु ।
चोक चोकको भट्टी पसलमा सधैँ
तिमै्र चर्चा चलेको सुन्छु ।
तिम्रो माया पाउनको लागि
सब भिडन्त गरेकाछन् रे,
तर, तिमी बिना त पागलै हुन्छु ।
त्यसैले त मेरो प्यारो रक्सि
मलाई मलाई एकपल पनि नछोड है,
म त तिम्रै भरोसामा बाँचेकोछु ।
दुःख गरेर कमाएको पैसा पनि त
तिम्रै नाममा चढाएकोछु ।
तिम्रो साहाराले मैले आफ्नो
फुर्ति आफैं बढाएको छु ।
सुखमा साथ दिने अनि दुःखमा
साथ दिने तिमी चौविसै घण्टा
तिम्रो सम्झनामा टोलाएर बसेको छु  ।
तिम्रो मायामा पागल बनेर कतिपटक
फोहोर बग्ने नालीमा खसेकोछु ।
बरु मेरो मुटु कलेजो सबै खाउ
किड्निले काम गनरोस केहि फरक पर्दैन,
तर म त तिमै्र भरोसामा बाँचेकोछु ।
जे होस् तिम्रो मायाले मलाई,
चौविसै घण्टा पिउने बनायौ,
दुनियालाई पर राखि तिमीसँग
एक्लै जीउने बनायौ ।
टाईसुट लगाएर घुम्ने कुर्सीमा बस्ने,
यो ज्यानलाई,
थोत्रे भेष्टमा लल्लेर हिँड्ने बनायौ,
मैले तिमीलाई पाउँ भनेर,
पलाष्टिकको गिलास किनेर ल्याएकोछु ।
तिम्रो माया पाउनको लागि म,
चोक चोकको भट्टी पसलमा भिडेकोछु ।
हाम्रो मायामा सकैको
नजर लाग्ला भनेर,
एकटुक्रा ल्वाङ, र सुकमेल,
टोकेर हिँडेकोछु ।
तिमीलाई पाउनको लागि
सिन्दुरको धर्को लाएर ल्याएको श्रीमतिलाई
रात, दिन आँसुमा डुबाएकोछु ।
आफ्नो जन्म दिने आमा बाबुको
अमृत समानको वचन गुमाएको छु ।
ती नावालक सन्तानको त के कुरा ?
कति पटक भुईँमा टिपेर पछारेकोछु ।
मस्त निन्द्रामा सुतेकी श्रीमतिलाई,
जगल्टा समाएर कतिपटक लछारेकोछु ।
त्यसैले मेरो प्यारो रक्सी
मलाई कहिल्यै नबिर्स है ?
मेरो जिन्दगी नै तिमिमा समर्पित गरेकोछु ।

                हालः कार्यरत–    स्वास्थ्य चौकी,
                लिम्चुङबुङ, गाउँपालिका ३
                बाराहा उदयपुर ।