किन थुनियो शालिकको मुख?

काठमाडौँ, राजधानीको चावहिलस्थित पशुपति कलेजका विद्यार्थीहरुले बढ्दो प्रदूषण रोक्न सचेतना अभियान थालेका छन् । यसअघि सर्वसाधारणलाई मास्क वितरण गर्दै आएका उनीहरुले 'सक्छौं सफा गरौं, सक्दैनौं फोहर नगरौं !' भन्ने नाराका साथ शनिवार राजधानीस्थित सबै शालिक तथा मूर्तिहरुको सफाई गर्दै मास्क लगाएका थिए ।

 उनीहरुले ट्राफिक प्रहरी र केही सर्वसाधारणलाई पनि मास्क र पानी वितरण गरे । उनीहरुले सञ्चारग्रामस्थित त्रिमूर्ति निकेतन, सहिदगेटका चार शहिदका शालिक, त्रिपुरेश्वरस्थित त्रिभूवन, पासाङल्हामु, राजाहरुको शालिकमा उनीहरुले सरसफाई गरी मास्क पहिराउने काम गरेका हुन् ।