सुनकोशीमा डुबेर उदयपुर लिम्चुङबुङका २ बिद्यार्थी वेपत्ता

लिम्चुङबुङ , असार ५
उदयपुर र खोटाङ सिमाना भएर बग्ने सुनकोशी नदीमा माछा मार्ने क्रममा दुई विद्यार्थी डुबेर वेपत्ता भएका छन् । वेपत्ता हुनेमा उदयपुरको लिम्चुङबुङ गाउँपालिका १ बाँसबोटे बुत्कु माध्यमिक विद्यायलका विद्यार्थी बर्ष १६ को देव कुमार राई र सोहि ठेगाना भएको बर्ष १४ को प्रविन राई रहेका छन् ।

बुत्कु माविका शिक्षक शिवराम राईलाईका अनुसार बुधबार विहान ७ बजेको समयमा माछा मार्ने क्रममा डुबेर वेपत्ता भएपछि गाउँलेहरुले खोजी कार्य जारी राखेको छ । अहिले पनि नेपाल प्रहरी, शसस्त्र प्रहरी र स्थानीयीहरुले खोजि कार्यलाई निरन्तरता दिईरहेका छन् । वेपत्ता मध्ये देवकुमार एसइई दिएर बसेका विद्यार्थी हुन् भने प्रविन कक्षा ९ मा अध्ययनरत विद्यार्थी हुन् ।